[A:539]ba la mchan bu'i lan tsam gnang byung ba de la yang lan spyan dbye'i cho ga zhes pa zhig brtsams/ rje nA ro paN chen sprul pa'i sku/ /gzhan 'gran zla med cig los yin mod/ /rje sa paN rnam dpyod spungs pa la/ /ci 'gran yang rnam dpyod long dang mtshungs/ /rje sa paN rnam dpyod grib bsil gyis/ /snying tsha gdung mun pa bsal bar nges/ /mkhas gzhan la spyan dbye'i cho ga byas/ /thugs sdug 'thums dgongs dbyings ma 'khrungs shig /'di'i rtsod pa rtsod lan rnams rje grang chen rab 'byams pa'i spyan lam phebs pa'i lan du/ mang du thos pa'i tshon brgya gsal ba'i lam/ /rnam dpyod me long yangs par shar 'di des/ /mkhas rlom phal la smra bcad gdams pa byin/ /chos kun snying por bsdus pa dpal gyi mgur/ /legs bshad dal bur ston la ngo mtshar ci/ /nyams 'gyur stong gis spras pa'i legs bshad sgra/ /thos par gyur pa'i rna ba 'di ya mtshan/ /de slad yongs rdzogs bstan pa'i khur chen po/ /snying stobs phrag par lon pas mi ngal ba'i/ lhag bsam rab dkar lha yi glang po khyod/ /mkhas pa'i skyed tshal mdzes pa'i rgyan du mdzod/ /phyag chen rtsod spong thad rnams rgyal 'pham ji ltar byung dpyod ldan gzur gnas yod na rtsod pa rtsod lan la gzhigs pas gsal bar shes/ zhes pa yang gnang byung ngo / /sprul pa mchog gi mchan bur/ /shog byang khron pa 'di'i gting yang / /dpog pa'i rnam dpyod mi ldan par/ /chos tshul rgya mtsho'i klong gzhal ba'i/ /re ba byed pa e ma mtshar/ /rnam dpyod 'bring zhig gis shog byang de dal bur klags