[A:540]pa nyid kyis gzhung der ji ltar bstan pa rig par 'gyur la/ de ltar mi go na ni bshad kyang mi go bas btang snyoms ngal gsor chug cig ces bris snang yang / de ni ye shes grub pa'i le'u nyi shu yod pa'i bco brgyad yan dbang po rab/ bcu dgu pa 'bring / nyi shu pa tha ma'i skabs yin zhing / dbang po rab de dbang gis smin zin yin par bshad pas gzhung la rnam dpyod ci yang ma zhugs bzhin du gdul bya blun po rnams kha drangs pa'i zol 'gros kyi tshig tshangs pas rta thul la bden gtam rlung la bskur ba'i tshig smras pa dang chos mtshungs pa kho na ste/ rgyu mtshan ci'i phyir na ye shes grub pa'i le'u dang por/ rtog pa thams cad rnam spangs pa'i/ /ye shes mchog bzang thob pa yi/ /rdo rje ye shes dbang bskur bas/ /dngos grub mchog gnyis grub par bya/ /yang dag ye shes kun ldan na/ /bris pa'i dkyil 'khor sogs gzhan du/ /dbang bskur ba ni len ce na/ /'di ni dam tshig nyams par gyur/ /zhes ye shes grub pa'i byin rlabs rdo rje ye shes kyi dbang bskur ba/ zhes pa'i ming can sngar du dbang gi ye shes rgyud la skyes zin pas bris sgrub la sogs pa'i dkyil 'khor du dbang zhus shing bskur na dam tshig nyams par 'gyur zhes gdul bya de las dang po pa min par gsal bar bshad 'dug pa'i phyir ro/ /zhib tu dpyod ldan yod na ye shes grub pa'i le'u nyi shu pa la gzigs shig /skabs der bka' drin mtshungs bral phyogs las rnam rgyal gyi dus kyi mchod pa mang ja rgyun chags kyi rten/ bo dong bre chen gyi nas khal stong phrag gcig dang bcu gnyis btsugs/ mnyan yod bya gshongs su mdo'i 'chad nyan la mi gnod