[A:543]ga rdzogs par bsgrubs/ /sems kyi ngal gso de ru byas/ /phag lo lo gsar la rnam rgyal stag rtse'i rtser shog gsungs phyin gsol ja/ bur ston/ go ra sogs bzabs ma dang bcas pa'i thugs dgyes dgyes mdzad/ rogs ram 'jam dbyangs smra ba'i rgya mtsho dang / mang thos nam mkha' rnam rgyal gnyis rigs lung la slang ba'i dga' ston bzhad gad shin tu che ba byung / me phag gi bgrang gzhi gsar pa la/ /'dar rnam rgyal stag rtse'i pho brang rtser/ /lugs gnyis mdzom dga' ston bsam mi khyab/ /gzhan rna ba'i rgyun gyur glu gar rol/ /lo de la 'dar chos 'khor yang rtse ru gsung ngag dgos zer lo de'i zla ba gnyis pa'i nyer gsum la lam 'bras btsugs/ sems bskyed dang rgyu dbang gi tshe zhal ngo rnams kyang phebs/ sras 'byor chen yang sku btsas/ me tog gi char mang po yang babs/ rten 'brel 'dzom zer ba yang byung / byang chub thugs bskyed smin byed byas/ /me tog char babs sras yang 'khrungs/ /phyi nang gsang gsum rten 'brel 'dzom/ /snyan grags phyogs kyi mdzes ma'i rgyan/ /de dus lam 'bras la phyogs nas byon pa chos rje mdong rab 'byams pa byams pa bde legs/ rkyang 'dur chos rje byams pa/ ra nam mkha' rnam rgyal/ dge slong mnga' ris pa spun/ chos rje 'khyog pa blor rgyam/ drung rams pa byams snying / chos mdzad skyab ma/ chos mdzad rgya rgod pa/ gzhan rnams gzhi ba/ nub dgon nas chos rje bzod rin/ ya ga chos sdings nas chos rje btsun grags/ dbon chen klu dbang / kun dga' mchog grub