[A:546]'phos gyur nas/ /ci bsams bzhed dgu'i don rnams 'grub par nges/ /de'i lo lam 'bras kyang dbang byin rlabs/ lung so so/ 'khrid rnams cha lag tshang ba zla ba bdun tsam gyi bar la rdzogs par grub/ 'khrid zur pa rnams kyang zla ba lnga pa'i nyer bzhi la grol/ de nas chos mtshams cung zad byas nye brgyud shin tu nye brgyud kyi 'khrid rnams kyang rdzogs par btang / zla ba bdun pa'i nyer bzhi'i khra rgyu ba la zhal ngo rnams la rdo rje rnal 'byor ma'i byin rlabs sngon 'gro'i 'khrid kyi rim pa rnams byas/ zla ba brgyad pa'i tshes bcu la grol/ de skabs rmi lam DA dril dang bcas ye shes dbab pa'i rim pa shin tu gsal ba rang byung / bsam mi khyab thun mong ma yin pa shin tu zab zer ba de yang byas pa yin/ rje ngo mtshar blo gsal rgya mtsho yis/ /mtshan 'od gsal ngang nas lung bstan bzhin/ /gnas chos 'khor yang rtse'i chos kyi khrir/ /chos slob bshad zab mo'i 'brug sgra bsgrags/ /khong dad ldan sa skyong yum sras mched/ /thugs rab dgyes bdud rtsi'i lo tog smin/ /gzhan bskal med 'byung po'i bya rnams longs/ /thugs ma 'khrug blo mun sros na bde/ /lam 'bras kyi skabs dbyar mthongs lcong shol klu sdings su byas/ grwa pa rnams dang sde srid kyi mang ja so so/ gor/ bur ston sogs shin tu bzabs pa byung / rab 'byams pa rkyang 'dur byams pa dang byams snying gnyis kyis 'bel gtam bzhad gad sogs shin tu che ba byung / lam 'bras skabs su zin thun mang po btang / drung rams pa nam mkha' rnam rgyal gyis dam tshig /tshogs