[A:551]ja gsum sbrel gyi bar bsdad/ de nas rtse chen pho brang du sleb rang gi gzims chung nor rgyas su byas/ lam 'bras snang gsum gyi chos dus tshes bzang ba la btsugs/ chos 'chad sa rab gsal bar ma ring mo zhig 'dug pa der byas/ de'i dus sde pa phun tshogs nas kyang bu gte'i grol cha cung zad byung gsung phebs 'dug pas/ lam 'bras rang la ni sdod skabs ma byung ba yong ngam zur du spros med kyi 'khrid cig dgos gsung de ga bzhin phul/ de dus bde gzar gyi gzhi ma zhig thing yod 'dug pas phun tshogs drung gi phyag rdzas rags rim kyang rtse chen du sleb 'dug /khyad par sprul sku bsod dpal bas bris pa'i rten gtso kha che paN chen/ sa paN sogs kyi sku thang shin tu legs pa/ de bas kyang sa skya paN chen gyi rdza sku/ kha che paN chen gyi rdza sku las kyang ches lhag pa mig gi bdud rtsir gyur pa de tsho mthong / de nas snang gsum dang spros med grol/ rang gi bsnyen pa kha gso byas/ rgyu dbang gi skabs su rdul tshon gyi dkyil 'khor bzhengs pa phyis gshegs gsol byas chus yang yang bkrus kyang ma dag par khra lam me 'dug zer/ rgyu dbang gi rim pa grol/ sngags lam ma tshugs tsam la dbang ldan nas chos mdzad gro dpe ba gnang byung nas/ dbang ldan sde pa sku bgres pa sogs sha dug gi skyon byung dbang ldan du chog dpon la yong dgos gsung gsang ba'i tshul du mdzad kyin 'dug /bdag gis gzim lags la gnas tshul zhus pas/ spyir dbang ldan pa sbyin bdag yin pa dang / khyad