[A:556] rab la 'don mkhan rnams kyis rab khungs mchod par log dgos pa byung / de nas zam pa la 'tshang drag pa rnams kyang 'tshang drag ma khyad par log dgos pa byung / rtse chen na bzang ra dang / bzang ngu gnyis lha yang yang 'bab/ bzang ngan gyi lung ston pa zhig 'dug pa de yon mchod dpon blon gyi bzhugs gral du byung / gri rmog sogs bzhag nas phyag 'bul byas/ mda' dar g.yas g.yon du khur nas pus btsugs mdun du bsdad/ nged kyis kyang dar mdung dkar po zhig sbyin kho mgu nas song / rang re'i dkar phyogs rnams kyi bla ma'i byin rlabs kyi mthus de ma thag tu chu mdog dmar po rba tshub dang bcas pa zhig tu 'gyur song bas chu la ma thar song zer/ de 'phral rtse chen pa rnams kyis sgrol ma lha khang gi rtser dkar dung / dung chen/ rgya gling / 'phyar dar mang po dang bcas lha rgyal 'bod kyin 'dug rang gi bsam pa la dgra la snying khrag blud pa lta bur song / sang nyin 'tshang drag tu btang yong ngam snyam pa shar/ nyang stod pa rnams kyis sgar brdung sogs byed pa'i rtsom pa mi 'dug na'ang rang rang gi bsod nams kyi mthus/ pha rol pa rnams de nub sgar brdung yong ba 'dug zer brda zhogs chen po byas mtshan zang thag gnyid bcag /spre nyal byas bsdad/ ku co cung zad tsam la 'ur zhogs chen po byed dgos byung zer/ sang nam langs nas sgar phyir thegs song / bdag rang phyogs bsod nams dpung chen dang / /lha dkar phyogs chos skyong srung ma'i mthus/ /dgra nag phyogs srog dang ma bral yang / /snying kha ru 'tshangs pa'i sdug bsngal myong /