[A:567]srong don grub kyis bram phur 'ja' sa ngo mtshar drug gi leb bris mdzad pas rab gnas la yong dgos gsung phyin/ zhag bcu skor bsdad/ dbang byin rlabs rab tu gnas pa'i me tog gi char bab/ ngo mtshar drug gi ri mo mig gi dga' ston du gyur pa la rna ba'i rgyan du gyur pa'i snyan tshig gi sbyor ba yang byas/ mi grags ldan don grub rgyal po des/ /yul rgya nag yig tshang las btus pa'i/ /sngon gtam du ma grags 'ja' sa drug /de bgod la rab gnas me tog gtor/ /de nas sgro lung du rdo rje 'dzin pa kun dga' mchog ldan drung du phyin/ sku nas stabs kyis gsung chos mang po ma byung ba yong ngam/ sngar ma thob pa'i sgrub thabs rgya mtsho dang lung phran bu zhu snyam pa byung / ma chen skal bzang gis rang re la ched gtad kyi khang pa gsar pa zhig kyang bcos 'dug /sgrub thabs rgya mtsho song mtshams ma chen gyis mtshams sbyar/ khyed rang gi thugs la yod pa'i bka' babs so so'i dbang dang / rgyud bshad sogs kyang zhus na gnang ba zhig yong ngam zer/ rang yang sems dga' spro'i ngang nas de bzhin zhus zhal bzhes byung / thog mar 'grel pa lugs kyi dbang / mtsho skyes lugs kyi dbang / nag po lugs kyi dbang / bka' rim pa bzhi/ gur rigs bsdus kyi dbang / saM bu Ta rdor dbyings kyi dbang / gsang 'dus 'jam rdor gyi dbang / gsang 'dus spyan ras gzigs kyi dbang / rgyud bshad la rgyud kyi sngon 'gro gsum/ dngos gzhi rgyud gsum gyi bshad pa/ lung tsam ma yin par tshar gsum gsum dogs gcod