[A:584]gyis bskor ba/ lho 'khris la rkang 'thung gi do ra dang bcas pa rnams legs par grub/ ming du slob bshad nor bu gling zhes btags/ zas gtsang sras la rgyal byed tshal zhes khang bzang phul la 'gran pa bzhin/ /mgon med zas sbyin snying stobs mchog la co 'dri byed pa'i mi dbang che/ /dgra phyogs 'dar byed rigs rus phun tshogs dpal rtsal 'dzom pa'i dad ldan gyis/ /nA gA rdzu nar nor bu'i gling mchog dad pas phul 'di rab brtags gsal byed kyi rgyan/ ngo mtshar gnas/ rang gi rnam dpyod nyi mas gdungs pa'i blo gros mig ldan gnyis 'thung che/ /legs bshad khrus la rings par chas nas sde snod rgya mtshor zhugs pa de/ /nyi ma'i bu mo gzhung lugs pad ma'i tshal rab ma lus 'joms so snyam/ /rab rtog rgyan 'phreng nor bu'i do shal mi dbang mgul du mdzes gyur cig /las dpon mgron po'i tshogs rnams la/ /bsnyen bkur mgron gyis tshim byed rnams/ /ci 'dod 'dod dgus tshim byas nas/ /bde ba can der bgrod par shog /las byed pho mo 'di dag kun/ /lus ngag ngal ba khur byas pas/ /'di phyir ngal ba kun spangs nas/ /'chi med gnas bzang bgrod par shog /zas gtsang sras der gtsug lag khang chen gyis/ /rab dgyes skyed phyed wa ra NA si yi/ /khyim bdag dge bzang yus kyi brnangs byed pa'i/ /khengs pa 'phrog byed sa skyong 'dar nas rgyal/ /'brug lo ston byang sems yum a mdzes rgyal mo dang / dpon sa dbang ldan ma rdo rje dpal mdzom bu khrid/ chos lags chos bzang