[A:413]la yod/ 'on kyang rang gzhon nu nas sa paNDi ta'i mtshan thos pa tsam gyis ba spu g.yo ba'i dga' spro byung ba dang/ slob gnyer gyi tshe yang tho rangs snga mo nas bshar sbyangs byas/ nam langs la khad la gnyid cung zad log pa na yang rmi lam rang zin la 'byung zhing / rmi lam dran pa gsum gyi nang tshan bla ma dran pa'i thog mar sa paN chen dran pa 'byung zhing / shar mngon dgar sa paN mjal ba la 'gro snyam pa'i yul snang 'char ba zhig rgyun chags la yong gin yod pas/ bya gshongs la yong gong chos rgyal ma dang / sgrol ma ston zhing grogs med pa dang / grogs bcas kyi sgo nas slob gnyer sha stag byed pa dang / sgom sha stag byed pa gang dga' zhes brtag pa lan gsum tsam byas 'dug kyang / slob gnyer kho na bzang ba'i lung bstan byung 'dug go /'chad rtsod rtsom la blo gros mi zhan kyang / /mi rtag 'chi ba dran pas rgyud bskul nas/ dben pa'i ri khrod 'grim par sha chags kyang / /thos bsam chos grar 'khor 'di mkha' 'gro'i lung / /rang lo nyer drug pa sbrel lo nged dpon slob gnyis char gyis ri khrod chen po jo nang du 'jam mgon kun dga' grol mchog drung du bka' chos zhu bar phebs pa tho rangs gnas tshang na yong ba'i tshe mi mang po ngu tshi theg pa 'dug /mi gces shi ba yin snyam sems skyo ba zhig byung / jo nang pa rang gi chos lugs sbyor drug nyams 'ur gyi lugs de yin zer bar 'dug /de nas smin drug zla ba'i yar ngo'i tshes brgyad la rje btsun dam pas dbang brgya'i gtso bo 'khor lo bde mchog nag po lugs kyi dkyil 'khor du smin byed kyi dbang thog ma thob/ gsang mtshan gyi tshe la lI ta badzra ste rol pa'i rdo rje zhes bya ba'i 'di sa paNDita'i yang gsang mtshan yin no gsungs