[A:604]che ba yod pa dang / yang sgos lo sri thu mo yod pas dbang bka' yang yang dgos pa 'dug lags pas/ gsung chos nyan 'dod yod pa rnams 'dir 'bod pa gnang de rnams la gnas khang gur bcas shing bu chas mthun rkyen 'di rang nas bsgrubs pas gsung chos 'chad sa nor bu gling rang du gnang dgos gsung nan chags pa dang / bde gling nas kyang de bzhin gsungs byung ba nas sbyin bdag stobs ldan gyi dad pa sun dbyung yang ma bde/ khong dge 'dun gyi bka' yang bcag tu med pas byed dka' se byung yang / dge 'dun la gsed bkrol byas khyed rang don du gnyer ba dang / long skabs yod pa rnams tshur byon pa legs tshul phul bas/ khong rnams thugs 'pham me ba la bde grol byas/ nor bu gling du lam 'bras btsugs grang chen pa dang / phu thub bstan dge 'phel ba/ phyogs nas bya rgod gshongs/ ya ga chos sdings/ stod mnga' ris/ dgun lhas sku skye dpon slob/ rma bya shug khrod pa/ chos rje 'jam dpal dga' ba'i bshes gnyen sogs cha lung pa du ma ste de sogs phyogs kun nas 'dus pa'i lam 'bras pa brgya zin tsam byung / snang gsum gyi 'khrid/ brgyud pa gnyis ldan gyi sems bskyed/ slob ma rjes 'dzin/ bsnyen pa kha gso/ yab kyi smin byed 'khor 'das dbyer med lta 'khrid/ rgyu dbang lam byed yum gyi dbang bka'/ phyi bskyed rim 'khrid/ lam dus dbang nang bskyed rim/ yum gyi byin rlabs brgyud pa ma nyams pa/ khyab byed rlung dang khyab bya gtum mo ste 'dus pa dang po'i 'khrid/ pho nya'i lam ste