[A:615]gyi TIkka las kyang cung zad gsal bar byas te zin thun btang / zin thun byed mkhan mi dbang dgra 'dul drung dang / chos rje byams chos pa gnyis kyis gcig /chos rje kun rgyal bas gcig /drung rams pa ngag dbang gis gcig /grang chen dka' bcu pa rgyan rin gyis gcig /nub dgon pa rnams kyis gcig rnams byung / sambu Ta'i rtsa rgyud la brtag pa bcu/ brtag pa re re la rab byed bzhi bzhi yod pa'i brtag pa dang po'i rab byed bzhi la zin thun legs par grub/ mi dbang dgra 'dul dang chos rje byams chos pa'i zin thun la shog bu gdong bton brgyad cu gya brgyad byung 'dug cing / gzhan rnams la yang kha dras kyi stabs kyis bdun cu skor re byung 'dug /de dag gi skabs su rmi lam la rtsa ba'i bla ma gsum sogs bla ma rnams ther chags kyis yong ba zhig 'dug /nub cig stong nyid bcu drug gi grangs sgrong gin 'dug pa la/ phyi stong pa nyid sogs 'go nas kha cig chad stong du 'dug snyam/ de man chad stong pa nyid mtshan nyid pa yin pa 'dug /zung 'jug rang du 'dug snyam pa zhig shar/ de dag gi skabs su rje bla ma kun dga' mchog ldan thugs mnyes pas mang ja/ rang nyid la gnang sbyin bzang po/ sa skyong mi dbang chos skyong lhun grub kyis mang ja zung / tshogs 'khor bzang po/ sde pa lhun chen lags kyis mang ja nas 'bo/ byang sems yum gyis mang ja glum dkar/ go ra/ bur ston dang bcas pa/ dpon sa rdo rje dpal 'dzom gyi mang ja/ bsod nams khye 'dren gyis mang ja bzhi/ byams pa lags kyis mang ja/ chos bzang lags