[A:619]sngags 'chang / bla chen sogs sum brgya skor la lam 'bras yongs rdzogs/ gsol phu nas chos lags la rnal 'byor ma'i byin rlabs dang 'khrid sogs mang du byas/ bya gshongs su chos rje snye mo ba sngar chos zhu rtsis mi 'dug kyang / tshes bcu'i nub cig mkha' 'gro ma rnams kyis DA ma ru'i sgra 'khrol ba dang bcas ni gu la sogs pa'i chos rnams bla ma gser pa la zhus zer ba'i lung bstan rmi lam du byung ba la brten chos zhu ba la byon dad ldan mang po la bshed dmar spros med yongs rdzogs/ dmar po skor gsum sogs byas/ ni gu dgos zer na'ang byed skabs ma byung / bya gshongs nas chu mo lug lo re gcig pa la/ 'tshed bla brang du bstan 'dzin nyi zla bzang po'i zhabs drung du/ rje btsun thams cad mkhyen pa'i 'khrid brgya de la dgos pa'i cha lag dang bcas pa/ grub thob nye brgyud kyi tshe bka'/ dur khrod bdag po'i rjes gnang yig lung dang bcas pa/ 'phags pa brgyad stong pa'i lung rje grub chen gyis snar thang du gnas brtan ba ku la dang / yan lag 'byung la gsan pa de'i lung / seng gdong can gyi rjes gnang / bram nag bshan pa drug skor gyi rjes gnang rnams zhus/ yang bya gshongs su nub cig rmi lam du rje mkhan blo gros rnam rgyal khri mthon po la bzhugs pa zhig gis tshe dmag zor ma'i rjes gnang zhus/ sbyor dngos rjes gsum gyi rjes gnang rdzogs/ mchod g.yog pa'i dkyil 'khor bsdu ba'i tshe/ dkyil 'khor de ji lta bu zhig yod lta dgos pa