[A:621] chos rje 'dzim chen bsod nams grags pa rnams des snga bla ma'i gong 'phang thob pa rnams dang / gzhan yang grwa shar mang po bsnyen par rdzogs pas mkhan po bgyid pa/ sa skya paN chen gyis sdom rgyun dri ma med pa yin de rjes dpa' ldan brang mo che ru/ dge slong chos dbang legs pa/ dge slong dkon cog rgyal mtshan/ dge slong legs bshad/ dge slong rje btsun/ dge slong shAka seng sogs bcu phrag yod pa rnams gzhi ba/ ya ga chos sdings nas dge slong btsun grags/ dge slong klu dbang / dge slong mchog grub sogs mang po dang / phu nas dge slong bzod pa sogs dge slong mang po'i mkhan po bgyid pa rnams sa paN nas brgyud pa'i sdom rgyun gtsang ma yin/ nub dgon nas chos rje nags dgon pa sangs rgyas rgyal mtshan grang mo che ru ched bstad byon/ sngar mdo phyogs kyi slob ma kho na yin pa'i zhen gyi bsnyen rdzogs zhu 'dod zer bsnyen rdzogs byas/ snga phyir gser srang gang lhag tsam sogs 'bul ba yang bsam gyi mi khyab pa byas bstan la yongs su rdzogs pa'i ngur smrig sde/ /bgrang bar mi bzod mkhan po'i cho ga bgyis/ /'di tsam gyis kyang sa skya paNDi ta'i/ /tshul khrims dri yis phyogs kun khyab gyur cig /bya rgod gshongs su 'chad nyan lo skor byas pas/ rab 'byams smra ba gsar 'phel drug cu lhag byung 'dug zer/ dka' bcu yan chad gsar 'phel bgrangs pas brgya phrag lhag tsam thon/ ya ga chos sdings dang chos gling du yang 'chad nyan byas pas bka' bcu dang rab 'byams smra ba sogs mang du byung / rgyan drug