[A:430]dga' rin chen gyi bzhugs gral du dbu ma la/ zhal snga nas dam chos pa dang gnyis bgro gleng rgyun ring pa byas/ bgro gleng sod sogs shin tu smar ba phan tshun gnyis char blo tshad mar byas pa byung / chos rgyal gyi zhal nas bgro gleng zer ba de khyed gnyis kyi de 'dra ba zhig yong ba yin gsung / gzhan dpang po dang ltad mo ba rnams kyang de ring las ltad mo che ba ma byung / kun gyi rgyud mi 'khrug pa g.yag 'khrug lta bu rgyun ring po byas na yon tan gyi bshan mi phyed ka med yong ba 'dug zer ba byung ngo / /thub bstan phyogs kyi chos rje lung rgya ma chung ba zer ba'i sku yon shin tu che ba zhig yod pa de na re/ khyed dang bgro gleng byas pas blo bskyed mi 'byung ba mi srid/ gzhan dang bgro gleng byas kyang tshig 'gre tsam ma gtogs don gyi bgro gleng ni mi yong rgyud 'khrug pa las med zer ro/ /yang mtshal gung pa'i slob dpon/ chos rje bkra shis 'od zer ba de na re/ bzang ldan chos sder gong ma nam mkha' rin chen gyi ngam ring chos sde'i gra shar drag pa rnams bos/ chos sde gnyis rtsod pa byed du bcug pa'i tshe nged ngam ring pa rnams kyis ma thub pas nga rang yang mtheng skyes pa de 'dra byung ste/ khyed po ti mtha' dag la mkhas/ thub bstan lugs kyi gzhung don gyi bgro gleng yang shes/ bya gshongs lugs kyi bar shun gyi bgro gleng yang shes pas khyed kyi kha ya byed pa 'jigs por 'dug zer ro/ /gzur mi gnas pa'i phyogs gzhan mi dga' yang / gzur gnas sa dge'i phyogs gzhan drang thig 'debs/ phyogs lhung rmongs pa'i rtsod las rnam grol ba'i/ /rigs smrar dpyod ldan dam pa re re tsam/ /glang lo de'i ston 'dar du yong / rje blo gsal rgya mtsho