[A:433]chen rdo rje la bsnyen par rdzogs/ de yan gyi brgyud pa ma rnyed/ phyis lhas sdings slob dpon shes rab me lce ba'i gsung gis khyed kyi thugs la mkhan chen rin rdor bas sems dpa' chen po gzhon nu rgyal mchog la bsnyen par rdzogs sam dgongs pa zhig 'dug ste/ de min pa'i mkhan brgyud kyi yi ge zhig kho bo la yod de gzigs 'bul gsung ba byung kyang phyis lag tu ma byung / de nas kho bos chos gling du glang stag yos gsum phar tshad la 'chad nyan yang 'phel po byung / byams chos lnga gsar 'dzin pa sum cu tsam byung ba rgyugs 'bul la 'gro snyam yod pa/ chos rgyal chen pos ya ga chos sdings slob dpon la rdzogs bda' byed pa'i dgongs pa yod 'dug pas 'brug lo phyag rtags rim pa gnyis tsam byung / kho bos kyang de ka shes nas ma phyin pa la brjid che ba dang bcas pa'i phyag rtags gsum pa zhig byung / kho bos kyang byams chos pa rnams kyi rgyugs 'bul dang bcas 'gro rtsis byas pa la/ grwa pa bying gis kyang shes nas nged kyang 'bod zhus la 'gro zer byams chos rgyugs 'bul dang bcas lnga bcu skor gyis yongs rgyugs 'bul legs par grub/ nged chos gling rgan pa bzhi dang bcas chos rgyal chen po'i drung du gsol ja zhus/ byams chos rgyun 'don 'dzugs pa'i rten du sngar gra tshang nas gser gyong zho do re sde srid gzims chung du lo star gyi 'bul dgos 'dug pa de 'chag pa zhig bka' drin bskyangs dgos zhus pas/ chos rgyal nam mkha' tshe dbang rdo rje zhal 'dzum mdangs dang ldan par byas/ gser gyong zho do po 'di gzims chung du 'bab rgyu