[A:444] dpyid ka chos dbar cig la lcog bu'i nang du mtshams byas brtsams pas bla ma so so la dad 'dun yang chen po byung / byin rlabs kyi rten 'brel yang yin nam shes rab yang gsal du song pa snyam byung / de dus nub dgon nas kyi slob gnyer ba shes 'dod can shin tu mang pa yod pas/ de rnams kyis phar tshad/ sdom gsum sogs la zin bris byas pa mang du byung / 'jam dbyangs bla ma'i ngo mtshar rtogs brjod dpal gyi 'khri shing yal 'dab bcu bdun pa yan grub/ yal 'dab bco brgyad pa/ bcu dgu pa/ nyi shu pa/ nyi shu rtsa gcig pa rnams de snga ma grub pa mi dbang 'dar nas dgra 'dul don grub dang / mi dbang grag pa la sogs kyis 'di dpag bsam 'khri shing gnyis pa yin pas 'phro rdzogs pa zhig rtsom dgos zhes gser gyi me tog dang bcas bskul nas shing mang dgon par grub/ mi dbang gdong dga' ba rnam rgyal pas rnam rig rtogs brjod kyi yal 'dab dang / dbu ma rtogs brjod kyi yal 'dab gnyis po 'di la 'grel pa re byung na mkhas pa dpyod ldan gyi rgyan du che ba 'dug pas rtsom dgos zhes snyim pa me tog dang bcas bskul nas dpal ya ga chos sdings su grub pa yin/ rong 'tsho nas mi dbang dpal 'byor don grub kyis yal 'dab gzhan rnams dang / khyad par yal 'dab nyi shu pa 'dul ba'i thad kyi 'grel ba yang rtsom dgos gsung ba zhig byung kyang sngar phan ma grub/ yang mkhas pa rdo rje rgyal mtshan pas dpal ldan ngor phyogs la/ sems bskyed brgyud pa med pa dang / zhes sogs kyi skyon brgyad 'phangs pa la/ ngor chen dkon mchog lhun grub pas de'i lan mdzad/