[A:455] /zhes gsungs pa ltar khrums kyi gso sbyong de gso sbyong bcu bzhi pa yin pas/ 'jig rten lugs kyi nyer dgu de/ mar ngo'i tshes zhag bco lnga par sleb pas de'i nyer dgu la byed pa 'dul ba'i gzhung dang mthun zhing 'bum phrag gsum pa'i dgongs pa yin pas de ga bzhin rigs kyang paN chen shAkya mchog ldan pas/ gnam gang la byed gsung pa'i sgrub byed gsungs pa'i sgrub byed ltar snang ba mang dag mdzad 'dug pa dang / kun mkhyen chos kyi rgyal po lcags thang pas kyang de ga bzhin mdzad 'dug pas/ deng sang mar ngo'i gso sbyong 'jig rten lugs kyi gnam gang la mdzad pa 'di phyag len la 'dug go /kho bos kyang chos gra phyir sleb pa'i tshe dga' spro shin tu che ba la 'du khang nang du sleb pa'i tshe blo shin tu mun pa sems la sdug bsngal skye ba sdod mi 'dod pa lta bu byung / rogs rnams kyis de 'dra'i sems khral ma byed/ thog 'di spo len byed pa tshegs mi 'dug zer te/ phyis 'du khang gsar bzhengs grub pa'i snga ltas su 'dug /dpal mnyan yod chos khri'i pad lte la/ /rang rkang sen nyi 'od shar ba'i mod/ /blo gsal ba'i bung ba legs bshad kyi/ /ro dngar ba'i sbrang rtsi bcud myong lo/ /gnas sngon gyi khang rnying mun 'thibs par/ /yid sdug bsngal slong rkyen drag po yis/ /phyis dga' ldan pho brang 'gran bzod pa'i/ /dri gtsang khang 'byung ba'i skya rengs shar/ /de'i tshe ston cag dang po la slob gnyer ba gra pa sha stag mang po byung ste/ 'ga' zhig dad 'dun gyi nyan 'don pa dang / kha cig chos bshad ji ltar 'byung gi nyan rna lta bur 'dug kyang rang nyid la 'jam dbyangs bla ma'i bka' drin dang / blo dang