[A:472]btsan gyis dbang mdzad/ ka mA la shrI la dang / hwa shang gnyis tsam dang / de rjes sa paNDita dang / 'phrog byed dga' ba gnyis ma gtogs ma byung 'dug /rnam gnyis kyis kyang gzhung lugs rnam dag la 'bel ba'i gtam cung zad rigs pa 'dra gsung / nged gnyis kyis bgro gleng gi ku co chen po ni ma byas/ byang chen pas dus 'khor la brten nas sangs rgya ba ma gtogs/ rgyud sde gzhan la brten nas sangs rgyas ba med zer ba sogs mang zhig gleng gin 'dug /kho bos de skad mi gsung ba zhu de dpal ldan sa skya pa'i grub mtha' ni min/ brtag pa gnyis pa las/ gang gis mi shes kye rdo rje/ /de yis ngal ba don med yin/ /zhes gsungs kyang de'i don dgyes pa rdo rje'i lam ma yin pa/ bla med kyi lam gzhan la brten nas sangs rgya ba med zer ba rje btsun gong ma'i dgongs pa la med de'i don gang yin snyam na/ dgyes pa rdo rje'i thugs dag pa gnyis ldan gyi chos dbyings de lta bu ni nges don gyi 'bras bu'i kye rdo rje yin pas de lta bu ma rtogs na 'tshang mi rgya zhes pa'i don yin/ dus 'khor rgyud dang rgyud 'grel las/ dus 'khor la ma brten par sangs mi rgya zer ba lta bu'i tshig yod na'ang rgyud de'i che ba brjod pa tsam yin gyis grub mthar khas len pa ma yin zhes sogs zhib tu bshad do/ /de dus ngag dbang 'jigs bral sa paN gyi rnam thar rtogs brjod rtsom pa'i skabs yin pas snyan ngag la dogs gcod shin tu mang ba byung / rje grangs chen pas kho bo la byung ba'i snyan ngag cig yod pa de gzigs phul bas a tho 'dug mtshan nyid pa spyi ba las drag tsam gsungs/ kho bos chos rje grangs chen pa la phul ba'i snyan ngag cig yod pa de gzigs phul bas thugs dgyes/ de'i nang tshan shlo ka gcig