[A:401]pa/ dkar mes g.yon phyogs su pha dang / g.yas su nged spun bzhi rim pa bzhin nyal bas/ dkar me dang nged thag ring yang / nged kyi spyi gtsug skra la dkar me lhab 'bar ba phas mthong nas/ bu tsha 'di skra gcod pa 'thad par 'dug zer bas nye ba'i rkyen de kho nas byas par snang ngo / /chos kyi 'khor lo'i sgra dbyangs sgrog pa'i gnas/ /ngur smrig dge 'dun 'du ba'i chos grwa cher/ /tshe rabs 'phreng bar brtse bas bskyangs pa'i mgon/ /'jam mgon phyogs las rnam rgyal de na bzhugs/ /chos grwa de mthong yongs 'dzin de mjal tshe/ /ri byi'i gur khang mkha' la shar ba bzhin/ /gzung 'dzin rnyog ma'i dri ma rtsad nas bkrus/ /snying la rab dga'i 'od snang de tshe shar/ /zhes pa ste/ bcu gsum pa lug lo'i ston/ nged spun bzhi char gyis bod la yongs gcung mdo spe chos sder zla ba bzhi tsam bsdad/ de phyogs kyi dgon gnas so sor rten mjal ngo mtshar gyi ltad mo sna tshogs bltas/ de nas a jo spun gsum 'brog la thegs song / nged la gtsigs shin tu che ba yod kyang / rang chos byed bsam pa'i blo khong du bcangs pas/ khong spun gsum thegs pa dang mi zug pa sogs sdug bsngal med par de gar bsdad/ de nas dpyid shar ba'i tshe chos 'khor gling nas 'jam mgon bla mas/ rgyal sras thugs rje dpal zer ba'i grwa pa gnyis rta dang bcas pa'i bdag bsu ba la btang byung bas/ rang dang na mnyam pa'i 'brog phrug gcig dang bcas phyin pas/ dgon pa der sleb pa na khang phran thams cad zho spungs pa ltar dka' ba/ sgo logs thams cad sa khra'i 'byed sna tshogs byas pa/ phyi nang thams cad grwa pas dmar mer khengs pa 'dra ba de mthong ba tsam gyis/