[A:474]po'i nags/ /dpal yal 'dab bskyod pa'i dri bsung gis/ /kun dga' ba bskyed par byed 'di mtshar/ /ces gzugs can gyi rgyu rgyan no/ /khyod zhal zla 'od shar bas rang gi 'khor/ /padma dkar po'i kha bye 'dod dgu yi/ /sbrang rtsi bcud zhim 'thungs pas phyogs kun gyi/ /bung bas glu dbyangs sgrog 'di rna ba'i rgyan/ /de nas bya gshongs su sleb/ phag lo dgag dbye'i bsnyen bkur 'degs pa la bkras 'dzom mi dbang nam mkha' dpal 'byor rang phebs/ de snga mjal ma myong yang 'jam dkar gyi rjes gnang zhu ba gnang bsnyen bkur gya nom pa mdzad/ de nas bzung da'i bar du thugs yid gcig tu 'dres mi 'phrog pa'i dad pa thob pa'i sbyin bdag legs pa'i gos zhim pa'i bza' ba yid du 'ong ba'i ja/ snying nye ba'i gros sogs kyis sems la gcags pa'i sbyin bdag rang du gyur ba yin no/ /grogs med gcig pur ri bong can 'od kyis/ /phan bde'i skyed tshal bzhad par ma nus te/ /dad ldan sbyin po'i brtse gdungs 'od brgya pas/ /phan bde'i dpal 'byor pad tshal rgyas so snyam/ /de dus gnas gsar nas bo dong la bzhugs pas 'phral rje tshar chen gyi slob ma yin pas gus zhabs che snyam pa la/ phugs ruu nga bas gtser ba re mang bas blo mtsher dung nge ba byung / 'on kyang sde pa sras po deng sang chos mdzad pa 'dis thugs bsam rnam par dag pa gnang / byi lo byang nas chos rgyal mched kyang lha dbang rtser phebs rtsod dus kyi rang gzugs shig ston pa 'dra zer shub bur 'dug /gdong dga' nas zhabs drung chos rje lha dbang rtse nas bya gshongs su phebs sngar mjal ma myong yang thugs bag phebs pa'i gsung gleng mang