[A:491]byung / de nas gtsang pa sku mched 'grig zer ba'i gtam snyan dar 'phyar dang bcas pa dang / kun spangs drung rang yang phebs dpon g.yog mchod yon thams cad shin tu dgyes shing bkra shis par gyur to/ /gzhi'i bdag mo gdong pham gsol ba 'debs/ /khong chos srung zhal mtho bar chad bsrungs/ /nged yon mchod bkra shis phun sum tshogs/ /phyogs kun tu snyan grags rna ba'i rgyan/ /de nas nged rang grwa pa rnams kyis kyang bya gshongs rang gi lugs bzhin tho rengs snga mo nas zhogs chos/ tsha grol la snga chos gnyis/ gung tshigs thon nas dgongs chos gnyis/ chos brjod rigs lung sogs 'chag med du byas pas sbyin bdag dang phyogs kyi mi rnams ngo mtshar du rtsi zhing dad spro bsnyen bkur phun sum tshogs pa grags dkar gyis brgyan pa byung ba yin no/ /sa 'dzin ri bo'i spo la brjid chags mkhar/ /bsam grub rtse zhes dpa' bo'i mdun nas bdar/ /ru mtshon ngom pa'i mdun sar 'phya ba bzhin/ /legs bshad sgrog la bstod bkur bsngags pas brel/ /khyu mchog ces pa lcags mo sbrul gyi lo nyang stod 'brong rtse dang dbang ldan nas bzo rigs pa bcu gnyis pos dpyid zla phyed bzhi'i bar la 'du khang gi skya dang / shing brtsegs nyi shu rtsa gcig dang bcas pa'i thog phubs/ 'du khang gi rgyug rnams rtse chen nas gcod mi gnang ba rnam thug bskyal/ pa rnams nas snar thang thug tshong 'dus pas bskyal/ snar thang nas gnas thug snar thang pas bskyal/ de nas rdzi lung thug gnas pas bskyal/ de nas bya gshongs thug rdzi lung pas dang blangs byas bskyal/ gzhan lam bar gyi dpon chen rnams la zhu shog rten bcas re phul bas chog pa byung lags