[A:116]rten dkar gsal byon/ yang grwa pa zhig gi gdung skal la dpal mgon zhal/ nged rnams kyi gdung tsha stong tsho mang po btab/ de la gser dngul gsol dus kyang me tog gi char dpag med 'bab pa dang / 'ja' yang yang chags shing yal ba dang / grwa sbyin bdag la lar gdung tsha la ring bsrel 'byon pa sogs bsam las 'das pa byung ngo / /gzhal med gdung las bskrun pa'i ngo mtshar rten/ /gsung gi gsang ba 'dzin pa'i skyes chen rnams/ /phyogs 'dir bsod nams gsog pa'i zhing mchog tu/ /brtse chen thugs rjes dbyings nas stsal bar gyur/ /yang kha cig nged la med phyir gzhan la'ang 'di 'dra mi srid snyam mo/ /de dag ga la mtshungs/ ma 'jigs blo chung de dag tshur nyon dang / /skye bo dman dang dam pa'i khyad par ni/ /rgya mtsho ba lang rmig rjes chu thigs mtshungs/ /de bas lan brgyar thal mo sbyor zhig gu /de ltar gong du brjod pas mtshon nas rje btsun dam pa 'di ni/ mthong thos dran reg pa thams cad skal ba dang ldan par shes par gyis shig /der rjes mchod mang dus/ rin po che nA landra nas gdan drangs/ dge 'dun sum brgya lhag pa la zhag bdun bar du zhabs tog /'bul ba sogs mi rnams kyis bzang ba'i rigs la 'gran pa byung / dpon slob rang gi phyag rdzas gsog pa ma gnang bar cher med kyang / grwa rigs sbyin bdag rnams kyis rgyu bsam gyis mi khyab pa phul te/ dpon slob dge 'dun sogs la zhabs tog 'bul ba sogs grub rjes/ rje nyid rang gi thugs rjes bskul te/ bdag rnams kyis blo dpangs bskyed pa'i dngul gdung / spyan snga ngag dbang