[A:14]byung / de nas khyi lo gza' skar tshes grangs shin tu bzang ba'i nyi ma snga dro'i cha la/ yum gyi sku la mi bde ba dang bsnyel ba'i cha shas gtan med par sku khams seng ba'i rnam pa zhig shar te/ ngo mtshar ba'i bltas du ma dang bcas te bde bar bltams so/ /nam mkha' shin tu dngas pa/ me tog gi char la sogs pa dge ba'i ltas bsam gyis mi khyab pa dang / de nas bzung ste lo re zhig gi bar mi nad phyugs nad sogs kyang med cing / yul phyogs su lo legs pa la sogs pa 'jig rten pa rnams la'ang bde skyid phun sum tshogs pa byung ba dang / de'i byin rlabs kyis rjes su'ang nged bod mkhar ba'i mis sa cha bzung ba 'di tsho lo nges par legs pa yong gsung ba sogs yod na'ang / bdag sogs ma rig pas bsgribs pa rnams la snang yid cher ma byung / phyis sor sngar gyi lo rgyus dang / rang re la rgyus yod pa'i lo sogs la bsam blo btang bas de rnams shin tu yid ches pa byung lags/ de ltar rgyal bas lung bstan sems dpa' mchog /skyes bu dam pa de ni 'dir byon pas/ /de tshe sa steng rims nad 'khrug long med/ /rin chen sman dang 'bru yis yongs gang ste/ /skye rgu'i 'byor pa rdzogs ldan dus bzhin gyur/ /sku gzhon nu'i dus na ljags kyi dkyil na a yig shin tu gsal ba dang / thugs rab kyang shin tu che ba yod pa la/ mi grib can zhig gis skas la babs pa dang / rje 'di nyid kyi sku rtsed kyis skas kyi 'og la phebs pa thug pas/ a de yal sku khams kyang rgyangs pa zhig gi bar la shin tu nyog pa dang / thugs rab kyang cung zad chung du song ba zhig byung / rang bzhin gyis skams chags chung zhing chos