[A:13]rdzas dpag med 'phral 'phral yod kyang chos phyogs kho na la gtong ba/ mdor na zhal ngo 'di pa'i rigs la shAkya'i rgyal brgyud bod chos rgyal rim par byon pa sogs nas bzung ste/ chos mdzad na mkhas grub dang / 'jig rten mdzad na 'jig rten la dgos pa'i yon tan dang ldan pa 'ba' zhig 'byung ste/ mdor na sku'i tsha mo chos lags shig gis kyang smyung gnas stong rtsa yang lhag pa'i mang po mdzad pas/ dkar me'i me tog la yang 'phags pa thugs rje chen po'i sku byon pa sogs yon tan gyi tshogs bsam gyis mi khyab pa mnga' ba'i rigs su bzhugs pa las/ rje nyid a mgon don grub/ de ltar yab yum de dag la sras kyi bltams yul ni/ bod chol kha gsum las bar gyi cha/ dbus gtsang ru bzhi las rong g.yag sde zhes bya ba'i yul las/ ri rnams rtswa dang me tog 'bab chus brgyan pa/ klungs rnams sna tshogs 'bru dang phyugs kyis gang ba/ sangs rgyas kyi bstan pa phyogs bcur 'phel bar byed pa'i chos grwa chen po 'bras yul skyed mos tshal gyi shar lho phyogs/ paN grub dbang po gha ya dha ra'i gnas mchog kha reg dang / rgyal ba lo ras pa'i bzhugs gnas dam pa dkar po chos lung dang nye ba'i sa/ rong g.yag sder bdag gir mdzad pa'i gzhis dpal 'byor rab rgyas zhes bya bar sku 'khrungs par gyur to/ /de yang rje nyid yum gyi sku la zhugs pa'i dus sku shin tu bde ba dang / sku khams shin tu dngas shing / yang yang thugs bde gsal mi rtog pa'i ngang la 'gro ba dang / mnal mal mchog tu bzang ba yang yang du yong ba dang / zo mdog bde ba la sogs pa'i rtags bsam gyis mi khyab pa