[A:20]thams cad mkhyen pa'i lam bsgrub pa la med du mi rung ba'i gzhi chen po ni/ lhag pa'i tshul khrims kyi bslab pa kho nar dgongs te/ nges par 'byung ba'i thugs kyi bsam pa ston gyi zla ba ltar dkar zhing dri ma med pas kun nas blangs te/ dgung lo bco lnga la kun mkhyen sangs rgyas 'phel de nyid kyi sku'i sprul pa 'bum rab 'byams pa shes rab rgyal mtshan de nyid kyi drung du khyim pa'i rtags mtha' dag gzhi mdo'i rtswa ltar dor zhing / ngur smrig gi rgyal mtshan sogs rab tu byung ba'i rtags yang dag pa bzhes pa'i sgo nas bar ma rab byung du bsgrubs te/ mtshan mai tri don grub rgyal mtshan dpal bzang por gsol lo/ dam pa 'di rab tu byung bas/ sangs rgyas kyi bstan pa dang / lha'i phyogs ni zla ba yar ngo bzhin 'phel bar gyur la/ nag po'i phyogs dang lha ma yin rnams ni 'grib par gyur te/ snyan pa'i grags pas sa steng thams cad khyab cing / sa bla'i lha rnams kyis rgyal chen rigs bzhi'i lha rnams dang / rgyal chen rigs bzhi pa rnams kyis sum cu rtsa gsum pa rnams la bsgrags shing / de bzhin du 'og min gyi bar bsgrags par gyur te/ dran pa nyer gzhag las/ skyes bu dam pa rnams rab tu byung ba'i tshe 'di lta bu 'byung bar bshad pa'i phyir ro/ /ngur smrig gi rgyal mtshan gyis mdzes par byas shing / bsnyen par rdzogs nas lo brgya lon pa'i dge slong gi dngos po dang 'dra bar gyur te/ mi rnams kyis kyang sku skya bo'i dus rtsal che la sku rtsed la mnyes pa de la/ rab tu byung ma thag 'di 'dra'i zhi dul la zhu ba byung / gsum pa ni/ de'i phyi lo dpal 'bras yul skyed