[A:37]po chen po rnam thos sras kyi chos skor la/ ser chen/ dregs byed klu chen brgyad kyis bskor ba/ ngal gsos po/ bde byed 'khor dang bcas pa/ gar mkhan mchog /gsang sgrub ljang ser be con ma/ nang ma mo ltar sgrub pa lha dgu/ rta sngon can thun mong ma yin pa/ dregs byed seng zhon klu chen brgyad kyis bskor ba/ yang gsang srin po bzhi skor/ mthing kha zhal gsum phyag drug pa lha bco lnga/ zhal gcig phyag brgyad pa lha mo brgyad kyis bskor ba/ ljang gu zhal gcig phyag bzhi pa klu brgyad kyis bskor ba/ mdung dmar can las mkhan dang bcas pa/ mgon po gar mkhan mchog dmar smug zhal gsum phyag bco brgyad pa/ dkar po lha dgu/ sprin gseb ma lha dgu /de rnams kyi rjes gnang lung sogs cha shin tu tshang ba/ 'ba' ra ba nas brgyud pa'i tshe 'khrid/ rje btsun dam pa 'di nyid la bka' chos gsan pa'i skor shin tu rgya che ba yod kyang cung zad tsam bkod pa/ rgyas par gsan yig na gsal/ rdo rje 'chang chen mi yi gzugs 'dzin pa/ /pha rgod bla ma dam pa'i zhabs bsten nas/ /zab don bdud rtsi'i dpal la legs spyod pa/ /bgrangs yas bsod nams bsags pa'i 'bras bu lags/ /tshar chen rdo rje 'chang chen po'i drung du lo shin tu mang ba bzhugs/ zab pa dang rgya che ba'i bka' chos rnams la thos bsam gyi sgro 'dogs bcad/ 'khrid rnams kyang nyin mtshan med par nyams 'khrid du bsgoms pas/ pha bla ma rdo rje 'chang chen po de nyid kyang shin tu mnyes shing / nga rang yang sngar yab dang / ngo