[A:39]sde lnga chen mo'i dbang / dpal 'khor lo bde mchog gi yab bka' lnga/ yum bka' lnga/ gtum mo'i me dbang rgyas pa rnams kyis smin byed sngon du thob nas/ grol byed kyi lam nyams su len pa la/ dpal 'khor lo bde mchog rtsa rgyud dang bshad rgyud ngos bzung ba'i gsung bgros dkyus la yod pa/ de rnams kyi don man ngag tu bsgril nas nyams su len tshul/ rdo rje 'chang gis ye shes kyi mkha' 'gro ma la gsungs pa'i snyan brgyud rdo rje'i tshig rkang / de'i 'grel pa te lo'i gzhung chung sogs/ de rnams nyams su len pa la nor bu skor gsum zhes bya ste/ phyi bshad pa sprul pa sku'i gdams pa la bsten nas brgyud pa yid bzhin nor bu/ nang nyams len longs spyod rdzogs sku'i gdams pa la brten nas smin lam yid bzhin nor bu/ gsang ba chos kyi sku'i gdams pa la brten nas grol lam yid bzhin gyi nor bu'o/ /dang po la bzhi ste/ brgyud pa'i bka' ma chad pa las byung ba'i bla ma brgyud pa'i rnam thar/ brgyud pa'i byin rlabs las byung ba lus med mkha' 'gro'i chos skor/ brgyud pa'i 'phrin las byung ba'i do ha brgyad/ brgyud pa'i zhor la byung ba'i chos skor sogs yongs su rdzogs pa/ 'khrid rnams kyang nyams 'khrid du sgom zhing / dbang rnams la tshogs 'khor rgya che ba dang / rten 'brel ma 'phyugs pa'i 'bul ba rgya che ba bshams/ nang mchod rdza ma gcig gi zhag mang po'i bar du btsags tshad chang mchog tu bzang ba byung / dbon po blo gsal gyis 'di btsags tshad chang du yong gi 'dug byas pas