[A:45] /bsam byung rig pa'i rlabs 'phreng cher g.yo ba/ /sgom pa yid bzhin nor bu bye bas phyug /bstan pa yongs rdzogs rgya mtshor gsol ba 'debs/ /mkhyen pa'i spyan yangs shes bya ma lus gzigs/ /brtse ba'i thugs rjes 'gro kun bu ltar skyong / /nus pa'i stobs kyis bdud dpung phye mar 'thag /'phrin las dbang po khyod la gsol ba 'debs/ /'chad pa'i sgra dbyangs blo gsal rma bya'i gnyen/ /rtsod pa'i me char rgol ngan brag ri'i gshed/ /rtsom pa'i sprin sngon legs bshad bye bas gtams/ /mkhas mang bye ba'i rgyan gyur gsol ba 'debs/ /'phrin las lhun gyis grub pa'i gru chen gyis/ /'gro kun srid mtsho'i pha mthar rab bsgral nas/ /bde chen nor bu'i gling der 'khrid mdzad pa'i/ /ded dpon kun gyi mchog gyur gsol ba 'debs/ /skal bzang dad pa'i dbang po gtsug rgyan rtser/ /rtse gcig gus pa'i yid kyis gsol btab na/ /'phrin las bzhi yi dgos 'dod kun rtsol ba/ /rje btsun yid bzhin nor bur gsol ba 'debs/ /skye ba kun tu yang dag bla ma dang / /'bral med chos kyi dpal la longs spyod cing / /sa dang lam gyi yon tan rab rdzogs nas/ /rdo rje 'chang gi go 'phang myur thob shog /dga' ldan gyi nam mkha' dri ma med/ /'phags yul gyi dI paM ka ra ba/ /bod yul gyi dpal ldan a ti sha /rje gang gi thugs kyi thu bo las/ /rgya bod kyi mgon po chos 'phel zhes/ /pha bhruM rje rgyal ba'i 'byung gnas dngos/ /rje bsod nams rgya mtsho'i zhabs la 'dud/ /ces pa'i bstod yul de nyid dang / mkhas btsun dam pa rin po che lha btsun pa/ zab