[A:77]yal nas thal/ da mgon med pa'i bdag sogs 'gro ba rnams ji ltar byed bsams pa dang / mig mchi mas gang / sems la bzod glags med pa'i sdug bsngal dpag tu med pa byung / slar bsam blo la/ sngon yang dag par rdzogs pa'i sangs rgyas nas bzung / bla ma gong ma tshang mas mya ngan las 'da' ba'i tshul bstan/ khong rnams dang bde ba nas bde ba'i zhing du gshegs pas kham che/ snyan brgyud kyi gdams pa rnams ni thob/ rang re chos gsha' ma zhig byed dgos/ da dung gnas gsar nas rje drung rin po che lta bu yang bzhugs bsam pa dang / 'jig rten phyogs nas nged rang tsho'i byung tshul kyang dran/ sngon nas bsams pa'i gnas de lta bu zhig tu thugs dam byed pa las gzhan thabs med bsams pa shar/ der nged rje drung thams cad mkhyen pa mkhyen brtse'i dbang phyug dang bcas gdung mjal bar phebs/ gdung shing sgam nang na gdan drangs tshar 'dug /nged dpon slob dngos su gdung mjal ma thub/ thugs nyam thag par gyur pa la slar 'dar nas sde pa dang / gnas gsar nas kyis thugs khur bzhes/ dpon slob rang la yang kham che ba yod pa dang / nged rang rnams kyis kyang rgyu dngos gang yod phul te/ dgongs pa rdzogs thabs rgya che bar grub par mdzad/ ngor chen rdo rje 'chang chen po'i rus kyi dbon po sangs rgyas seng ge pa nA landa'i gdan sar phebs pa'i phyag phyi byas nas dbus phyogs phebs/ rdo rje 'chang tshar pa chen po'i bka' bzhin dbus su dgon pa byung ba rnams bdag byas/ nA lendar dbang rjes gnang sogs kyis khams pa rnams dang / der 'dus pa'i grwa rigs