[A:81]su khong brgyud pa dang bcas pa yon bdag dad thob du phun sum tshogs par gyur/ gdengs tshan yid ches dang ldan pa'i mgur ma bzhugs/ /dag yul snang gi dad ldan gyi yon bdag g.yang ngos pa zhes pa sngar 'dris cher med kyang / nyal po nas dpon slob rnams kyis khungs bstan nan cher yong dgos zer phyin/ khong pa tshang ma nad rims thu ba zhig gis gtser 'dug pas/ phyag g.yog btsun chung zhig gis lhun grub sdings su phyin pas/ nang sos thugs brtse ba'i zhal ta 'dra mdzad/ dang po bla ma zhig nad rims yod sar mdzo 'bul zer gdan drangs/ mdzol bed spyod med par bla ma rang nad rims des grongs/ de 'dra yong / da yun ring ma bzhugs zhu yi 'dug zhus/ de skad zhus pas spyir de skad gsung ba bden mod kyang / nged rang nor yong bsam pa'i 'dun pa yang med/ mi la phan snyam phyin pa yin/ khyad par pha bla ma tshar pa chen po'i bka' drin la de'i nad sogs la 'jigs pa med bsam/ gdengs tshad dang ldan pa'i mgur blangs pa/ gangs can mkhas grub gtsug gi rgyan/ /bstan pa'i mnga' bdag sa skya pa'i/ /snyan brgyud gdams pa 'dzin pa la/ /zla med kyi rje btsun tshar la 'dud/ /shar gangs dkar gyi zur phud la/ /seng ge dkar mo mchong zhig rgyug /gangs bu yug 'tshub ma che na yang / /seng chen bu yug gis 'tshub mi srid/ /gangs dkar du skyes pa'i yon tan yin/ /seng chen ma gtogs gcan gzan tshogs/ /gnas de ru phyin na snying rab 'gas/ /des na bag yod kyi zon grims gces/ /nub brag dmar mthon po'i g.yang sa la/ /bya rgod po'i tshogs rnams lding zhing gnas/ /brag dmar de g.yang sa che na yang /