[A:94]pas/ stag rtse'i 'phrang la kong po thog cig gis bsgugs pas/ yas nas phebs pa mthong kyang 'khris su ma mthong zer/ rjes sor rtsad bcad pas nged dpon slob yin par shes te shin tu dad par gyur/ yang skabs shig lo na bzhugs dus bdag la bka' skyon pa'i tshul gyis thugs 'gyur rgyu ba'i rnam par mdzad nas/ zhal dkar legs pa zhig gsol jas bkang ba brgyag pa gnang bas phar logs kyi gyang la 'phog pas/ gyang la skyon byung yang zhal dkar la spu gas tsam yang ma byung / lhun grub sdings su nang so kun bzang pa thugs dad shin tu che ba zhig gshegs dus/ 'pho ba gnang bas nam mkha' shin tu dngas pa dang / me tog gi char 'bab pa der yod pa'i skye bo rnams kyis mthong zhing dad par gyur/ rag mar chags skor la phebs dus/ chu kha zheng che se ba dong pus nub tsam yod pa zhig gi dkyil du chibs pa 'gyel bas/ phyag g.yog pa rnams kyis bsam par na bza' tshang ma bangs bsams te/ rang rang gis chu la mgyogs par ma thar bar the tshom du lus pa las/ rin po che na bza' zhabs lham sogs gang yang cung zad kyang ma bangs par chu pha rir phebs 'dug /phyag g.yog rnams kyis de ring grub rtags gnang byung zhus/ yang sgo mo'i 'og tu grog po zhig la chibs pa 'gyel bas/ chibs pa grog gting du 'gyel song kyang / rje 'di nyid phyag g.yog rnams kyis phebs pa ma mthong ba la grog kha pha rir phebs 'dug /des mtshon pa'i gzhan yang mang po yod lags/ rje 'di nyid dang / skyed tshal nas rin po che rin chen bkra