[A:96]khyod nyid mtshar/ /chos la dkar ba'i lhas kyang dngos grub 'bul/ /lnga pa nyams rtogs kyi 'bras bu smin te/ gzhan skal ldan gyi gdul bya rjes su bzung ba'i tshul ni/ de ltar rim pa gnyis kyi ting nge 'dzin la brtson pas/ tha mal snang zhen gyi dri ma dag ste/ lam bskyed pa'i rim pa dang / rdo rje sngags kyi bzlas brjod mthar phyin pas/ mkha' 'gro chos skyong rnams bran du 'khol/ gya nom lhar zhen gyi rnam rtog dag ste/ brjod bral lhan cig skyes pa'i rtog pa mngon du gyur pa la brten nas/ mi dang mi ma yin pa'i che btsun phal cher rje btsun bla ma dam pa 'di'i bka' 'bangs su 'dus pa yin no/ /dpal rigs brgya'i khyab bdag rdo rje 'chang / /chos snyan brgyud kyi bdag po tshar pa rje/ /pha 'gran zla kun bral he ru ka /skyabs gsum kun 'dus kyi zhabs la 'dud/ /phun tshogs legs byas chu shel khams las grub/ /dal 'byor ri dgas gzugs kyi mtshan mas mdzes/ /thos bsam 'od brgya 'gyed pa'i bsil zer can/ /dal thob bstan dang mjal ba yi mai tri nga'i skyid pa la/ /bla ma blo gsal dang shAkya kun mkhyen lo pa dang bzhi/ /bla ma de bzhi dang mjal ba'i rnal 'byor mai tri nga'i skyid pa la/ /sdom pa so thar byang sems rigs 'dzin skyon med dang bzhi/ /sdom pa de bzhi dang ldan pa'i rnal 'byor mai tri nga'i skyid pa la/ /lam 'bras ni gu dang snyan brgyud mgon po gur zhal dang bzhi/ /dam chos 'di bzhi dang ldan pa'i rnal 'byor mai tri nga'i skyid pa la/ /rgyud sde kye rdor bde mchog gsang 'dus 'jigs byed dang bzhi/ /rgyud sde de bzhi la sbyangs pa'i rnal 'byor