[A:97]mai tri nga'i skyid pa la/ /bskyed rdzogs rab byung gi ye shes dbang bzhi dang 'brel ba'i lam/ /nyams len 'di bzhi dang ldan pa'i rnal 'byor mai tri nga'i skyid pa la/ /bdag blo mos gus dang dag snang snying rje yi rang dang bzhi/ /bogs 'don 'di bzhi dang ldan pa'i rnal 'byor mai tri nga'i skyid pa la/ /skyabs gnas bla ma dang yi dam gur zhal rnam gnyis dang bzhi/ /skyabs gnas de bzhi dang ldan pa'i rnal 'byor mai tri nga'i skyid pa la/ /'bras bu sprul sku dang longs sku chos sku ngo bo nyid dang bzhi/ /'bras bu 'di bzhi thob 'dod kyi rnal 'byor mai tri nga'i skyid pa la/ /bya bral kha'u pa nga'i dga' ba la/ /rnal 'byor rong pa sngo bsangs nga'i skyid pa la/ /mos gus kyi byin rlabs zhugs pa yin/ /de don gyi 'phrin las byung ba yin/ /ces gnas byin rlabs can dpal ldan bla ma dam pa'i bzhugs gnas chos rdzong gi nub byang / gtsang pa rgya ras kyis byang chub brnyes pa'i klong rdol gyi bya 'dabs/ phun tshogs mkhar snga skyid pa'i yang rtser thal byung du shar zhing blangs pa'o/ /bsams na shes pa'i mngon par shes pa'ang mnga' ba yin te/ skabs shig dpal ldan rtser bzhugs dus/ bdag rnams la thugs brtse bas dgongs pa'i gsung nas/ nged rang gis lo yang rgan rab song ci 'dra yod yang things dka'/ dang po spyan snga rin po ches 'bul sdud rdzong ba gnang bas/ rjes su dgongs rdzogs kyi rten bzhengs la shin tu phan pa zhig byung / nged rang la yin min byung tshe rten bzhengs bzhin ma byas na yang da lta sbyin bdag yag po yod pa nas cung zad