[A:135]rnam rgyal gyi ring lugs 'dzin pa 'chi med 'od zer gyi sku skye sprul sku 'chi med 'od zer/ phan tshun bka' drin nos pa'i dam pa brgyad ni/ tshar chen rdo rje 'chang gi gdan sa bzhi pa 'bru'i sngags 'chang mthu stobs nus pa'i mnga' bdag rdo rje 'chang bsod nams lhun grub chos 'phel/ mkhas pa'i dbang po bod mkhar ba mai tri don grub rgyal mtshan/ mkhas btsun dam pa bsod nams tshul khrims/ mnyan yod bya gshong gi gdan sa pa 'jam dbyangs sangs rgyas rgyal mtshan/ grub pa'i 'khor los sgyur ba stobs ldan 'od zer/ bshes gnyen dam pa rig pa'i gter mdzod/ sku 'bum pa sngags 'chang ngag gi dbang po/ rog tso byang pa mkhas pa'i dbang phyug la sogs te dam pa de dag la mnyes pa gsum gyi sgo nas mnyes par mdzad pa'i mthus/ de dag la mnga' ba'i sde snod gsum dang rgyud sde bzhi dang 'brel ba'i chos tshul bsam pa'i ra ba las 'das pa zhig gsan zhing / gsan pa de dag kyang ming rkyang du ma song ba'i tshig dang don gyi cha la sgro 'dogs thams cad yongs su chod par mdzad nas don rtse gcig tu nyams su bzhes pas thugs rgyud la spang rtogs yon tan gzhal du med pa mnga' zhing / rdo rje 'chang tshar pa yab sras kyi drung du bka' chos gsan pa'i skabs ma gtogs/ phal cher dpal sbug rnam par grol ba'i dben gnas ram sdings ma/ bo dong gi dgon khra bo sogs su sku mtshams kho na mdzad cing thugs dam bskyed rdzogs su mdzad pa'i rim pa yang mtha' dag rtogs par ga