[A:142]rnam rgyal gyi bstan pa gsal bar bzhed de/ lug lo yar 'brog tu 'chi med sprul sku'i drung du phebs nas/ bo dong ba'i rnal 'byor rgyud kyi dkyil 'khor bcu gsum tsam gtso bor gyur pa'i dbang lung mang po zhig gsan par mdzad/ dpon slob thugs yid gcig tu 'dres pa lta bur gyur/ 'jigs bral gyi bstan pa gtad pa lta bu mdzad dbugs dbyung / gzengs bstod/ shangs len sogs phun sum tshogs par gnang / de nas rim gyis lho brag gi gnas phal che ba dang / smra bo 'jog po sogs mjal ba gnang bas/ ma rigs ma'i gdung la kharsA pa Ni rang byon du phebs pa dang / 'tsho rgyal gyi phyag bris shog ser sogs byin rlabs mang po phyag tu byung bas rten 'brel legs tshogs du ma dang bcas rim par brgyud de rin spungs su phebs/ mi'i dbang po ngag dbang 'jigs grags kyis dad dang spro ba'i sgo nas gzhi len bsnyen bkur phun sum tshogs pa dang / chos kyi gleng mos mi'i dbang po dgyes par gyur/ de nas rim pas ram sdings ma sogs brgyud de bo dong er phebs nas/ chos rje rigs pa'i dbang phyug dang / chos rje srin mo ba sogs phyogs kyi dge bshes du ma dang khams gtsang gi grwa sa mang po sogs gzhis byes kyi dad ldan du ma la/ dpal kye rdo rje/ bde mchog nag po pa/ rdo rje 'jigs byed sogs dbang mang po/ gsang 'dus rim lnga/ rwa 'khrid mkha' 'gro'i snyan brgyud/ gur zhal gyi phyi nang gi 'khrid sogs grol byed kyi 'khrid mang po/ /'jam dbyangs/ spyan ras gzigs/