[A:130]bskul 'phro la yengs 'gro ba 'di 'dra gang yin zer/ 'thab pa'i tshul byas 'dug na'ang gang yin gsal po ye ma gsungs/ 'di dag gzur gnas kyi mkhas pas brtags na/ skye ba du mar zab lam sngon du mdzad pa'i rang bzhin rdzogs pa chen po dang / dpal dus kyi 'khor lo la sogs pa nas gsungs pa'i mchog gi lam rtags gdon mi za ba yin no/ /de nas skabs shig tu skyed tshal nas gtsang du bsod snyoms la byon pa dang / thams cad mkhyen pa mkhyen brtse'i dbang phyug sdings mar mkhan por phebs pa dang dus mtshungs par zhal mjal ba dang / de ga'i mod la gzhan gyis 'phrog par mi nus pa'i thugs dang chen po bsam gyis mi khyab pa byung ba la brten/ mdo phyogs kyi gsan sbyong gi 'phro yang bzhag /bsod snyoms kyi mu yang cam de bzhag nas ma bskyangs par dus de nas bzung ste/ bla ma dam pa de'i zhabs la gtug par mdzad de sngags kyi chos tshul rgya mtsho lta bu gsan par mdzad mod/ gzhan yang dam pa 'dis kha ba'i ljongs 'dir rgyal ba'i bstan pa rin po che gsal bar mdzad pa'i mkhas pa dang grub pa du ma'i zhabs pad bsten nas zab pa dang rgya che ba'i gsung gi bdud rtsi nod par mdzad pa'i tshul cung zhig brjod na dang por/ rje btsun 'jam pa'i dbyangs kyi sprul par gdon mi za ba 'khon gyi rigs su sku bltams pa mkhas grub kun gyis zhabs kyi padmo la phyag byas pa bdag chen ngag gi dbang phyug /sku drin che ba'i dam pa rnam gsum las bka' nos tshul ni/ rgyal ba kun gyi ye shes kyi sku nyid gang 'dul gdul bya'i snang ngor sprul sku'i zlos gar ci yang