[A:129]mas ma gos pa'i 'dul ba 'dzin pa rgan po'i brtul zhugs la gnas par mdzad de/ mkhan po de nyid dang chos rje legs ldan pa sogs la gsang sngags gsar rnying dang 'brel ba'i smin byed rgyu dbang mtshan nyid dang ldan pa gsan te/ phung khams skye mched thams cad la bde bar gshegs pa'i sa bon legs par thebs pa yin te/ mgon po khyod kyi phung khams skye mched la/ /mtshan nyid kun ldan rdo rje slob dpon gyis/ /smin byen dbang bzhi'i chu rgyun bskur ba'i mthus/ /rnam grol 'bras bu nyid las 'os ci yod/ /de nas ring po ma lon pa zhig nas mtshan nyid bslab par bzhed nas skyed tshal 'og tu/ gshed dmar gyi grub thob tu grags pa paN chen lha dbang blo gros kyi gdan sa mkhas grub dam pa chos kyi rje blo gros chos 'phags pa'i zhabs pad bsten nas/ phar phyin la rtsa slob mdzad nas/ lung chen pa ston pa bzang zhing / thugs rig mnga' ba'i tshad dang kun gyi dge bshes bslab gsum pa zhes phas rgol smeg med par 'joms pa'i grags pas khyab par gyur/ de skabs spyi bsod sogs kyi dbu mdzad mdzad pa'i tshe bsngo gdangs mdzad pa dang / chos spyod bskul ba sogs kyi dus/ nam mkhar lha'i gzhal med khang bkod pa phun sum tshogs pa'i bye brag yod pa dang / res bar snang la sprin gyi gseb nas/ don snying nang grol la sogs pa'i 'phyang 'phrul yod pa sogs rnam 'gyur du ma gzigs pa la cung zad thugs yengs pa'i rnam pa byung ba la/ grwa pa gzhan rnams kyis dge bshes bslab gsum pa chos spyod