[A:131]bsgyur ba las kha che'i paNDi ta chen po shAkya shrI dang / kha ba'i ljongs 'dir rgyal ba'i bstan pa rin po che'i srog shing dam par gyur pa bu ston thams cad mkhyen pa la sogs te mkhas grub du ma'i tshul bzung ba'i mthar rje btsun sa skya pa'i snyan brgyud bstan pa'i rgyal srid la mnga' mdzad pa dpal zha lu gser bkang gi gdan sa bcu gsum pa rgyal dbang thams cad mkhyen pa tshar chen chos kyi rgyal po'i zhal snga nas la dpal sbug rnam par grol ba'i ri khrod du gsung ngag rin po che slob bshad thun mong ma yin pa gtso bor gyur pa'i gser chos bcu gsum dang / nag po chen po rnam gnyis dang / shangs chos rnam pa lnga la sogs te zab rgyas kyi chos tshul du ma zhig gsan par mdzad do/ /gzhan yang sngon tshe thub pa'i dbang po'i drung na lha'i bu bzang skyong zhes su gyur cing / slar yang bod kyi yul 'dir slob dpon chen po padma 'byung gnas bzhugs pa'i dus su/ las can dag pa'i 'khor lnga'i nang tshan sna nam rdo rje bdud 'joms dang / khro phu lo tsA ba byams pa'i dpal la sogs te/ gsar rnying gi mkhas grub du ma'i tshul ston par mdzad pa gter ston chen po rigs 'dzin bdud 'joms rdo rje nyid las rang bzhin rdzogs pa chen po dgongs pa zang thal la sogs te bka' gter gyi chos dpag tu med pa gsan/ khyad par rje bla ma dam pa 'di'i rigs kyi cod pan gyi mchog tu gyur pa ni/ sngon kha ba'i ljongs 'dir bstan pa rin po che gsal bar mdzad pa'i slad du/ skad gnyis smra ba'i tshul 'dzin pa lang 'gro lo tsA ba dkon mchog 'byung