[A:132]gnas dang / ayon nyid kyis lan cig ma yin par lung bstan pa'i gter chen chos kyi rgyal po ratna gling pa sogs dag pa'i rnam rol du ma zhig brgyud pa'i mthar bod kyi yul 'dir chos tshul ji snyed pa'i srog shing dam pa/ 'gran gyi zla thams cad dang bral ba/ rigs thams cad kyi bdag po/ dkyil 'khor kun gyi gtso bo rdo rje 'chang mkhyen brtse'i dbang phyug bstan pa'i rgyal mtshan dpal bzang po nyid las zab don snyan brgyud ji snyed pa dang / sa bkar rnying gsum gyi chos tshul rgya mtsho lta bu zhig gsan pa mdo tsam brjod na/ gsung ngag rin po che tshogs bshad tshar gcig dang / slob bshad tshar gnyis/ de dag gi smin byed dbang / byin rlabs/ rjes gnang / glegs bam sogs lung skor du ma dang bcas lam 'di skor yongs su rdzogs pa dang / gzhan yang lam skor phyi ma brgyad cha lag dang bcas pa dang / dpal dus kyi 'khor lo mkhas grub bu dol rnam gnyis kyi bzhed pa so sor ma 'dres pa'i dbang gong ma/ gong chen bdag po chen po'i dbang / rgya bod kyi yi ge mang po'i lung dang bcas pa/ dpal 'khor lo bde mchog lU nag dril gsum gyi dbang 'khrid yig lung mang po dang bcas pa/ gsang ba 'dus pa lugs gsum gyi smin grol zab mo rnams cha lag dang bcas pa yongs su rdzogs pa/ gshin rje gshed dmar nag dgra gdong rnam gnyis sogs gshed skor du ma'i dbang lung 'khrid skor tshang ba/ khyad par dpal rdo rje 'jigs byed rwa skyo zhang gsum sa lugs bu lugs sogs kyi dbang / de'i grol byed kun dang thun mong du ma gyur pa'i rwa