[A:252]nas ji skad bshad pa ltar bzhugs su gsol/ mthar rab tu gnas pa rgyud sde nas gsungs pa ltar mtshan nyid tshang pa'i sgo nas zhag gsum sbrel zhig byas/ sgrub po sbyin bdag dang bcas pa'i tshe dang bsod nams dpal 'byor gyi rgyun thams cad gong 'phel du 'gro ba'i phyir rgyas pa'i sbyin sreg thun mong ma yin pa'i phyag len gyis brgyan nas byas/ de skabs rje bla ma'i phyag bzhes min snyam pa'i skyon la brtag mkhan mkhas pa mang po 'dug kyang / ltag chu chad pa'i rdo bzhin du thang chad nas gzims/ gang ltar bkra shis dge legs kyi rol pas dus kun 'tsho ba 'di yin/ de nas nga drug pa rta lo zla ba lnga pa'i nyer bdun la skal bzang gi slob bu brgyad cu tshun la nA ro mkha' spyod 'khrid thun mong ma yin pa yongs rdzogs byas dus sngon 'gro rdor sems bsags sbyangs kyi skabs su chos lung la yud tsam phyin bsam gtan dpal ba zhes pa'i rgyu dngos phun sum tshogs pa zhig bdog pa dus mthar sleb 'dir snang gi bdog pa thams cad bdag la sprad byung ba tshags byas kho rang gi rjes la ci 'gro byed bsam pa'i zhe bcad byas/ slar log nas 'khrid nyid rgyas par bskyangs/ phyi nang gi mkha' 'gro thams cad kyi nyams chags bskang ba'i phyir tshogs kyi 'khor lo rgyas par byas/ de nas chos lung la phyin/ khong ni pha rol tu 'phos tshar 'dug pas chos lung dang chos 'khor lhun por mang ja sbrel ma dang nas khal 'gyed khro zangs g.yu sogs rgyan rigs go khrab sogs kyi skam 'gyed dge rgyun gyi zhing / mi dmangs la des mtshon pa'i 'gyed chas dang / lhag rnams