[A:256]skor gsum gyi rjes gnang lung sogs thugs bzhed gang nus bsgrubs/ snyan brgyud kyi bdag por mnga' gsol chos dang 'jig rten gyi 'dod rgu gya nom pa byung ba lags so/ /sngar chos lung du gsung ngag rin po che zhig 'chad snyam dam tshig gso ba sogs bsnyen pa zla ba tsam byas/ de nang du rmi lam na rje bla ma tshar chen nyid sngon du gsung ngag rin po che gnang ba'i dus su lam zab gnang ba'i skabs kyi sku gzi brjid dang zhal 'dzum pa dang na bza' sogs ji lta ba mdzad nas/ khyod kyis bstan pa rin po che'i bya ba lhur blangs nas snyan brgyud thun mong ma yin pa bstan pa yongs rdzogs kyi zab chos 'di nyid rgyud sde nas gsungs pa'i gnas su 'chad par gyis shig gsung byung ba dang gnyid sad byung bas/ de lta bu'i bla ma dang mjal gsung gi bdud rtsi zab mo thos pa'i dus kyang byas snyam mchi ma mang du shor/ tshe rabs kun tu gdul bya'i zhing khams su skye ba dang skye ba de nas kyang rjes su 'dzin pa zhig snyam pa'i gsol ba phur btsugs su btab/ rgyud sde nas gsungs pa'i gnas ni/ chos ldan gyi rgyal pos bde bar sa skyong ba phyi nang gi 'tshe ba dang bral ba'i gnas su bsam gtan gyi bya ba rtsoms gsung 'dug pas/ gnas de lta bu gzhan ma ni gang na'ang med 'dug /phun sum tshogs pa'i gnas de kun lugs gnyis kyi khrims kyi kha lo ba nged rang kha'u brag rdzong pa'i bstan pa bstan 'dzin dang bcas pa'i sbyin bdag chos rgyal pho brang 'dar rnam par rgyal ba'i rtse mor tshang ba nas der 'chad snyam pa'i zhe bcad byas/ gdong dga' chos sder rje btsun kun dga' mchog ldan