[A:260]dpon sa a mdzes rgyal mos gnang ba'i rmang lding ba mdzad pa'i 'og tu 'di lta bu byed dgos phebs pas/ bstan pa rin po che spyi sgos la bsam pa dang / lhag par bod 'bangs spyi dang sbyin pa'i bdag po'i sku rim la dmigs nas/ 'gong po spun dgu dam sri spun dgu/ bsen mo spun dgu sogs bod 'bangs phung bar byed ba'i mi min thams cad dus gcig tu mnan pa'i phyir/ ri khrod dgon pa nyid du sgrub pa zhag bdun byas/ zhag bzhi song ba'i dgongs thun gyi dgug gzhug byas pas/ de dag kun gyi ngo bor gyur pa'i phug ron guu ma zhig khras bdas te de nyid du lhags byung bas yang yang bstim nas yid ches par byas/ bsnyen pa'i sgrub pa'i rtags mngon sum du grub ste grol ba dang / mnan pa'i mtshams su sleb byung bas rim pas de nub skyed mos tshal du phyin/ de nyin rje btsun chos kyi rgyal po tshar pa chos rje'i chos kyi khri la mkhas btsun yongs kyi gtsug rgyan dpal mang du thos pa klu sgrub rgya mtsho'i zhal snga nas mngon par mtho ba'i khri la bkod pa gnang / de nub de rnams kyi bar chad zhi phyir dang lhag par bod kyi yul gru thams cad dang sbyin pos gtsos pa'i sa phyogs 'di nyid du chos dang 'jig rten gyi dar rgyas 'byor ba la bar du gcod pa thams cad lhan cig tu mnan pas/ chos byed kyi tshul rab 'byams gnad du 'gro ba dang / 'jig rten pa kun kyang rdzogs ldan gyi bskal pa ltar bde bar rgyu ba 'di yin no/ /sang snga bar bla brang du phyag 'bul dang bstan pa rgyas pa'i dga' ston spel phyir mkhan zhabs drung du sleb/ lugs gnyis kyi