[A:268] gnyis med ye shes kyi 'ob tu gnod byed thams cad bcug pas rang dwangs su song / zhag gsum song ba'i dgong thun gyi dus de snga yan char shin tu dkon pa sa bon rnams kyang skams par thug pa tsam dang mi rnams nyam thag pa'i skabs kyis skyo bar 'dug pas/ bdag gis 'phags mchog spyan ras gzigs dbang la ra mda' bos te/ yang dag par rdzogs pa'i sangs rgyas kyi rgyud las/ mtha' bzhi gangs kyis bskor ba'i rwa ba ru/ /sbas pa'i rnal 'byor me long 'dzin pa 'byung / /zhes pa'i gu ru rin po che chos kyi dbang phyug gi mgur gyi bum pa las byung ba'i gdangs kyi yi ge drug pa'i ra mda' sgrub po thams cad lag sbrel nas dkyil 'khor khang pa la bskor bzhin pas bos pas dus de nyid du/ 'phags pa'i spyan gyis 'dzam gling klu rnams bskul bas thugs rje'i byin rlabs kyi char rgyun de nas bzung nyin zhag sbrel nas babs pas skye 'gro thams cad bde ba'i go skabs thob pa zhig byung bas/ lha mi thams cad dga' ba'i rtags su de nub rmi lam na bu mo gzhon nu mdzes shing brjid pa gsum gyis dgyes pa'i 'dzum dang bcas nas lha'i me tog dkar po dang / ras dkar po dang spos dkar po dang / dkar gangs shel dkar ltar dwangs pa dang dung dkar g.yas su 'khyil ba zhig rnams sbyin/ bdag la mgo bo btsugs nas bsdad pa dang gnyid sad/ ci yin nam snyam pas sang snga thun gyi steng du dpon sa nyid kyis ja bzang gi btung ba dang bcas char pa'i byin rlabs bka' drin che zhes rmi lam na byung ba'i 'bul ba rnam grangs gsum tsam dang bcas pa byung bas/ dur khrod ma gsum de