[A:278]bzlog pa 'di dang yang thug sgor ma nas rtags dga' mo rang mi 'dug kyang khor pa phyir/ sngon 'gro rjes 'then gyi rnam pas rten 'brel ma 'grig song ba dang / gong du zhus pa ltar dam pa nyid mi bzhugs pa'i rgyu mtshan gyis mi dbang de yang ma bzhugs pa zhig byung / de la brten rtser bcar sdod byas bde gshegs de nyid kyi gsol 'debs kyi tshogs dbu la phyin/ bsngo ba ci shes dang smon lam rgya chen po gdab/ ngos kyi dpon g.yog gi nA ro mkha' spyod kyi tshes bcu'i mchod pa sindhu ra'i sgrub cing mchod pa brgya tshar tsam dang bcas ci nus su bsgrubs/ de nas ri khrod du snying po yod pa'i bya ba ci yang mi 'dug 'chi ba la phan nges chos mi mtsher ba zhig byed snyam rtse gcig tu dge sbyor la brtson pa byas/ slar rtser gsol ja zhu ba dang 'dul ba phran bus brgyan nas dbu lo rnams bkrus/ de nas ri khrod du rje ngag dbang blo gsal bstan pa/ ngag gi dbang phyug dga' ba'i bshes gnyen/ gong po rab 'byams pa zung dang bcas pa la spyan ras gzigs/ gur zhal sogs chos 'dod re ba so sor bskang / de grol rgyal po'i gla tshal khrod du skyo bsang la zhag kha yar bsdad/ rje btsun bla ma'i gdan la dpal ldan grang mo che'i dgon pa byed dgos gsung / zhal ngo dang gra bgres rnams kyis lan cig ma yin par phebs kyang / chos 'dod kyi skyes bu dam pa yod na ni sngar bstan pa bsams blo nus kyis gang yod byed/ gzhan ma gdan sa byas pa la dgos pa ci yang med/ lhag par sde pa rang yang mdzad dka' cher 'gro ba min pa med/ nged rang mchod yon da lta'i 'di gas thus