[A:286]rab brtan spyan 'dren par 'os so zhes pa phul/ de ltar dngas len mdzad song bas de phyogs kyi re 'dod thams cad 'grub par go bas blo bde/ de nas don bzhi pa byi lo dge sbyor dang chos 'chad ci nus skabs nas rtse sogs kher ma byas bsdad/ rgyal ba'i bstan pa de 'dzin gyi skyes chen rnams la lhag bsam gyi thugs mdun gzhal du med pa/ gzur gnas kyi mkhas pa thams cad dga' ba bskyed par nus pa'i dpa' bo/ rnam dpyod kyi mkhyen rab nam mkha'i khyon ltar yangs pa/ mthu stobs kyi 'gran la sngon rabs kyi rgyal brgyud bskyangs par mdzad pa'i chos skyong ba'i rgyal po khri srong lde'u btsan gyi rnam par 'phrul pa dgra 'dul drung gis ched du bskul/ bang mdzod thams cad kha phye nas kun tu bzang po'i mchod sprin ltar phyogs gcig tu mdzad/ mkha' mnyam 'gro ba'i don du thar pa'i rgyur 'gro ba'i bag chags kyi sa bon bzang po 'debs pa'i skye ba bdun pa'i sha la brten pa'i ril bu sgrub pa'i sgrub pa zhig gnang dgos phebs/ de ltar ci gsung dang len byas/ rten de'i steng du rdzogs pa'i sangs rgyas kyi 'phel gdung / shA ri'i bu sogs nyan thos rnams kyi gdung / ayon bla ma'i byang sems kunda dkar po/ /mkha' 'gro 'bum gyi gtso mo ye shes 'tsho rgyal gyi pad rag /chos rgyal gsung gi skye ba chos dbang gi sku sha /sna nam pa'i skyes mtha' rgod ldem pa'i sku sha /lho byang gi gter kha so so'i chos sman phye ma/ rgya gar gyi lo paN so so'i gdung shangs mtshal dbu lo na bza' sogs dang / rje btsun sa skya pa'i gdung brgyud gong ma rnams kyi gdung shangs mtshal dbu lo na bza'/ rje btsun