[A:288]dkyil 'khor khang pa la skor ba byed pa'i grogs mdzad de/ 'phags pa'i dkyil 'khor gyi bka' nyan lhag bdud kyi pho nya/ lha chen/ klu chen/ gza' chen/ rgyal chen/ ha ri ka /paN tsi ka sogs kyi srung ma thams cad dang / gtsug lag khang gi gnas bdag gnyug mar gnas pa'i dam can mgar ba nag po/ /bdud mo tha chung re ma ti sogs dkar phyogs skyong ba thams cad yol ba gsum rim gyis nang na skor ba dang gzungs rgyun cher sgrog pa'i nyams 'ur lang la khad pa byung / zhag lnga song ba'i snga thun gyi bar la gnyid kyi rnam pa thung tsam byung ba'i rmi lam na rje btsun sprul sku chen po padma rgyal po'i sku nyid myug rgyal khang du skye bdun sgrub pa'i skabs kyi sku'i mdangs ji lta ba dang / g.yas na 'khrul zhig chos skyong bsod nams yin zer ba'i sku gzi brjid che ba zhig dang / g.yon na tshar chen yab sras dang bcas dgyes pa'i zhal 'dzum gyi mdangs yal ba byas pa zhig rmi/ gnyid dwangs pa na e ma ho nga yang bsod nams che de lta bu'i bslu med kyi bla ma rnams dang mjal snyam pa dang / da snying po bdag dang bdag la ltos pa thams cad ayon bla ma'i drung du skye nges kyi smon pa yid ches nges shig btab/ de nas bzung dri bzang gi ngad pa 'thul bzhin pa dang bcas 'phrin las kyi mchod pa brgyad brgya kha 'thor tsam song / de yang bstan pa dang de 'dzin gyi skyes chen thams cad yun du gnas pa dang / 'phrin las 'gag med du dar ba la dmigs nas sum brgya/ sbyin po nyid dang gdung rabs kyi mnga' thang thams cad gong 'phel du rgyas pa dang / rkyen gyi bdud rigs thams cad