[A:294] gzhan yang snying po nye snying rtsa sngags dang 'khor gyi lha sogs kyi gsang sngags sa ya dang / 'bum tsho dang / khri tsho stong tsho la mtha' ma byas pa mang po yod mod/ thams cad 'dri bar ma ldang / sgrub cing mchod pa dang / 'jug cing dbang blang ba dang / skabs su ci babs kyi las bzhi so so'i sbyin sreg rnams stong tsho drug nas brgya phrag bdun tshun la nyung mtha' byas pa song 'dug kyang / sems gzhan g.yeng bas byas pas 'bras bu ma mchis so/ /'khrul pa spangs pa'i rgyud ldan gangs ri las/ /legs bshad snyan brgyud bdud rtsi rnyog bral bas/ /nyams myong bde ba chen po'i bcud kyis myos/ /skyon med 'bras bu ye shes mngon du gyur/ /bslu med 'khrul zad yab sras sa skya pa'i/ /zhal 'od bskyed rdzogs drod ldan sgom pa po/ /zol zog dri mas dben pa'i ku sA li/ /rnam gsum 'dren pas skyong ba'i sngags smyon mkhan/ /blun po bsod nams chos 'phel e ma ho/ /sangs rgyas kun gyi rdzu 'phrul gcig bsdus pa/ /bod khams ma rung 'phung byed 'dul ba'i gtso/ /padma ka ra zhal bcud 'thung ba bo/ /'dre 'jigs ro nyal mkhan po 'bru pa nga / /gzugs can mi rnams ya ga sgrog pa'i gnas/ /ltos bcas tshogs rnams don ldan nyams dgar mdzod/ /mkhas kun dga' ba'i glu dbyangs 'tsher bas gzur gnas snying la bde ba ster/ /brtson 'grus ldan pa'i rkang drug tshogs rnams theg rim lam la myur du 'god/ /bzang 'dod grags smon med kyang rgyang na gnas pa'i pad tshal lo/ /lnga pa 'gro ba lha mir bcas pa'i phyag dang mchod pa'i smon lam gyi