[A:293]yang snying 'bru gcig khri tsho re/ 'phags pa thugs rje chen po'i bskyed rdzogs thun gnyis yang snying 'bru drug stong phrag re/ phyag na rdo rje 'khor lo chen po'i bskyed rdzogs/ dpal mgon ma ning gi bskyed rdzogs/ lha chen nag po zhal bzhi'i bskyed rdzogs/ rje btsun yid bzhin 'khor lo'i bskyed rdzogs/ tshe dpag med kun gyi yang snying lcags sdong ma'i nyams len rta mchog rol pa gsang sgrub kyi bskyed rdzogs/ las kyi gshin rje gshed rang gi bran po chos kyi rgyal po'i bskyed rdzogs/ de rnams thun re re gsang sngags rnams kyang brgya phrag la nyung mtha' byas pa re/ gzhan yang yi dam chos skyong rnams kyi dbang thob gsang sngags bdun bdun zla ba mang po yod/ thob tshad kyi gsang sngags bzlas pa ma byung mod/ de kun gyi nyams chags gso ba la dmigs yi ge brgya ba brgya phrag re/ yi dam chos srung de rnams kyi gtor bsngo rgyas pa tshar re sogs nyog la mang ba mtha' yas bdog ste thams cad ma spros/ drag po bla ma dang legs nyes kun lung ston pa'i 'dod khams lha mo re ma ti dang / bran po las kyi gshin rje rnams kyi thugs dam bskang ba dang bshags pa rnams dus dang khyad par ba brgya rtsa re dang bcas pa song zhing / mdor na chos ldan gyi bya bas g.yengs na ma gtogs spyod lam drug po'i gnas skabs ci byed dal bar skad cig kyang sdod ma myong / de snga yan la 'chag med khri tsho gnyis 'dren pa rnams dung bzhi la nye ba dang / khri tsho re 'dren pa rnams dung gnyis la nye ba dang / stong phrag 'dren pa rnams bye ba gnyis re lhag thor song ba dang /