[A:298]brnyan bris 'bur ci bzhengs kyang thog mar gzungs kyi bya ba yongs su rdzogs par byas nas/ thun mong gi sku dang thun mong ma yin pa'i sku rnams yod pa las/ phyi ma 'bad pas sgrub pa la/ de yang dregs pa pho rgyud kyi ngo bo gri snying 'khor lo/ dregs pa mo rgyud kyi ngo bo nal bu'i gri snying 'khor lo/ gnyis med kyi ngo bo ye shes kyi rdo rje gzugs dang bcas pa/ theg pa che chung gi bla ma brgyud pa dang / rgyud sde phyi nang gi bla ma brgyud pa'i mtshan rim 'dod gsol dang bcas pa brgya phrag gnyis re dang / rgyud sde bzhi dang 'brel ba'i yi dam chos skyong nor lha bstan srung dang bcas pa'i mchog thun sgrub pa'i lha rnams kyi gsang sngags brgya phrag gsum re dang bcas pa ru shing so so la theg rim gyi dkri tshul so sor byas te lha rdzas dpag med kyi na bza' dang bcas pa bzhugs yod la/ de ltar chos skyong gi sku brnyan de yang bzhengs pa'i dus/ phyi nang gsang ba'i rten 'brel ma lus par tshang dgos pa yin te/ de lo glang lo zla ba dpyid zla ra ba/ tshes nyer dgu/ gza' mig dmar skar ma mgo /skyes pa stag lo pa grir shi ba'i snying khrag sar ma lhung ba/ de nyid kyi gri rkang / mgon po 'di nyid la bsnyen sgrub las gsum gyi sgo nas mtshan ma thob nges kyi bla ma dam pa'i srin lag gi khrag dang / shangs mtshal/ skyes pho mo lo bcu gnyis 'gro ba'i rang byung gi khams dkar dmar dang bcas pa 'di rnams 'dzom na nged rang dpal ldan sa skya pa'i snyan brgyud 'dzin pa rnams kyi bzhed pas ye shes pa dngos su zhugs pa yin pas/ zla ba tsam ma 'grig mod/ gzhan