[A:299]yang tshang ma rang 'grig tu byung nas/ phyag tshad ldan pa'i bzo bos rdo rje dang padma'i lag pas dus de nyid la 'go btsugs/ de la yang phyi nang gi nye ring kun bar chad yong zer mda' skur mang dag 'dug kyang / khyed de ltar bsam pa'i don rnams la kha thal bas bcad do byas/ don la sngon du bla ma chos skyong dang bcas pas mtshan ma bzang po byung ba dang nye bar gnas pas grogs bgyis te rkang blangs/ blos 'char tshul mi dbang rnams la'ang zhe nas phul/ dgongs par ji ltar bzhugs pa'i zhal bkod da lta gnang ba skabs su babs/ phyis su de dang de 'dra byung na bzod par gsol byas/ gang ltar bar chad mi 'byung ba'i 'phrin bcol gyi mchod gtor bzang po phul/ nam zla cung zad dgun la sbyar ba nas rdul gyi nyes pa las skyob pa'i 'phrin las rlung lha sha gzugs 'od kyi rnam pas ma grub par la mdzad pa dang / gzhan yang gnas srung dkar phyogs skyong ba rnams dang / rgyal chen bzhi sogs kyis rtse gcig tu sgrub pa'i grogs kyi 'phrin las yang dag byas/ de rnams la mchod gtor bzang po yang yang du phul dus dang rgyun gyi sa lam bar chad srung ba'i gsol ba drag tu btab ste/ dam tshig gi sku brnyan mkha' 'gro lha brgyad/ gnya' mnan pa'i phyir 'byung po 'dul byed/ rigs bdag cod pan 'bral ba med pa'i phyir phrag dpung g.yas g.yon du rje btsun rdo rje 'chang rnam pa gnyis kyi sku brnyan/ phyi nang gi las mgon gsum dang bcas pa/ bram ze'i gzugs 'dzin zhing skyong chen po yum bzhir bcas pa'i sku brnyan/ de